Skip to main content

Aaftèlle nao äöpening vastelaovessezoen,

tot 11-11-2024 nog

daag
:
oer
:
minute
:
èleke seconde telt...

Evenemente

Sjrief se geliek in diene agenda.

Optocht & Reglement

... want carnaval vier-ste same ongerein!

Karnavalsvereniging 't Winterköningske haef es doel 'n volwaardig en väöral 'n hieël gezellig vastelaovesfieës oppe Deelgaard te organisere.
'T is ós bèste bedoeling om dit fieës same te viere, jónk en awd, groat of klein alle inwoners zeen welkom.
W'r viere vastelaovendj mit en in ós dörp, in de versjillende horecagelegenhede en natuurlik in oze zaal De Annendaal.

Vastelaovendj kènne w'r viere door de väöle hulp van vriewilligers van de Karnavalsvereniging,  angere vereniginge en de minse van de Deelgaard. Mer ouch van groat belang hiejbiej zeen de sponsore, opbrèngst van 't awd iezer, verkoup van de kerssterre door de jeugdkarnaval en de rondjgang mit de laevesmiddelemanj.

Det w'r hiejin doon waat w'r kènne bliekt waal oet ós vastelaovesprogramma en de activiteite die w'r organisere; äöpening van 't vastelaovessezoen, kènjerdisco mit aansloetend 't Prinseoetrope, dialectmès same mit Fanfare St. Paulis en 't zangkoar Corde et Animo, Prinseresepsie, bezeuk aan basissjoal De Bolleberg, de Groate vastelaovesoptoch, 'Deelgaard Got Talent', Seniore Vastelaovendj en de Aafsloeting. In dees periode bezeuke w'r ouch de horeca in de verste heuk van ós dörp, want ederein huuert d'rbiej.

Mer de hulp van vriewilligers, biej dit alles, is cruciaal en hieël erg welkom.
Ederein dae, op waat väör meneer, wilt helpe nuuedige w'r den ouch van harte oet om zich aan te melje
Uiteraard zeen nuuje sponsore ouch van harte welkom, zoadet weer mit hun financiële biedrage 't programma kènne organisere en verbaetere.

Mer 't aller belangriekste zeent geer!
W'r zeen uch den ouch gaer truuk... langs de kantj, in de optoch of biej oos georganiseerde activiteite.
Geer zeent van harte welkom!

Alaaf, namens KV ’t Winterkoningske.

Vriewilligers gezoch!

In verbandj mit de invulling van take in zaal 'de Annedaal' höbbe weer väör väöl activiteite vriewilligers (vanaaf 18 jaor) nuuedig.

De take bestaon ónger angere oet: tappe, glazer speule, glazer ophaole, kelnere, helpe in de keuke, sjoanmake en bónne verkoupe.

Melj dich aan via:  Dit e-mailadres wordt beveiligd tegen spambots. JavaScript dient ingeschakeld te zijn om het te bekijken.
Ouch mit 'n paar uurkes zeen weer al gehólpe.